Partia Socialiste do të kremtojë sot 26-vjetorin e themelimit në kulmin e fushatës zgjedhore për 25 qershorin.
Mësohet se ish-kreu i LSI, tashmë president i zgjedhur Meta nuk do të jetë i pranishëm, shkruan TCH.
Sot gjatë daljes për mediat Luan Rama tha se do ta festonte si datë, duke theksuar që e kishte fjalën për PS-në dhe jo Rilindjen.
“Unë, si themelues i Partisë Socialiste do ta festoj ditën e themelimit të PS. Po flas për Partinë Socialiste, jo për Rilindjen, me një grup deputetësh dhe anëtarësh themelues të PS-së në respekt të gjithë kontributit që ata kanë dhënë për PS”, deklaroi gjatë ditës Luan Rama.
Partia Demokratike do të përfaqësohet në festë me doktor Halim Kosovën, i cili sot ka dy urime politike për të bërë: Një për ditëlindjen e Partisë Socialiste dhe një për ditëlindjen e kreut demokrat, Lulzim Bashës.
Dy ditëlindjet, ajo e PS dhe ditëlindja e Bashës përkojnë edhe me një ditë të veçantë për besimtarët katolikë në Shqipëri, ditën e Shna Ndout.
(M.D/Shuplaka)
Discussion about this post