PSG gjen pasardhësin e Tuchel, ofron 15 milionë euro në sezon. Tekniku krijon boshllëk të madh në Itali

Mediat sportive italiane kanë bërë të ditur se, Massimiliano Allegri është vënë në shënjestër nga Paris Saint-Germain.

Kampionët e Francës e kanë shprehur edhe në të kaluarën pëlqimin e tyre për trajnerin e “Zonjës” dhe, sipas “Gazzetta.it”, janë gati t’i ofrojnë 15 milionë euro në sezon, dyfishin e rrogës që tekniku merr tek Juventus.

Detajet do të jenë më të qarta pas takimit që do të zhvillohet mes Allegri-t dhe drejtuesve të klubit torinez. Por ajo që mbetet për t’u parë dhe që ka ngjallur mjaft kureshtje është se çfarë do të bëjnë bardhezinjtë nëse Allegri do të vendosë të transferohet në Francë?

Ndërkohë emri i parë dhe më i lakuar në listën e kampionëve të Serisë A është ai i Antonio Conte, pavarësisht se ëndrra e tyre mbetet Pep Guardiola.

(F.GJ/FAXWEB.AL)