Së fundmi CIA ka publikuar raportin më të fundit për Shqipërinë, ku bëhet një përmbledhje e situatës politike dhe ekonomike në vendin tonë. Shqetësim kryesor mbetet çështja e drogës.
Në raportin e vitit 2018 CIA theksin e vë tek lufta ndaj korrupsionit, krimit të organizuar dhe te integrimi në Bashkimin Europian. Në raport thuhet se Shqipëria shërben si rrugë kalimi për kokainën e Amerikës së Jugut, kryesisht nga Kolumbia, por edhe për opiumin që vjen nga disa vende aziatike. Për CIA, Shqipëria njihet për kultivimin e kanabisit. “Shqipëria shërben si rrugë kalimi për opiumin dhe hashashin nga veri-perëndimi i Azisë, si dhe për një sasi të konsiderueshme të kokainës nga Amerika e Jugut, të cilat më pas tregtohen në Evropën Perëndimore.
Pastrimi i parave një tjetër fenomen shqetësues. Shqipëria prodhuesi më i madh i marjiuanës. Është zgjeruar prodhimi i kanabisit. Organizatat e narko-trafikut janë aktive dhe janë shtrirë në vendet e Evropës. Ka pastrim të lartë të parave, të lidhura me trafikimin e lëndëve narkotike, armëve, apo punë të tjetra të paligjshme të kryera nga zyrtarët dhe kriminelët”, është ky përshkrimi i CIA-s për Shqipërinë.
Në këtë raport pëmendet edhe presidenti Ilir Meta. Në raport ka një hapësirë të veçantë për organizmin politik të vendit dhe duke qenë se Meta u zgjodh në krye të shtetit, aty tregohen detaje nga procesi i votimit.
“Presidenti zgjidhet në Kuvend për një mandat 5-vjeçar. Një kandidat ka nevojë për 3/5 e votave në 3 raundet e para, ndërsa në 2 raundet e tjera ka nevojë për një shumicë të thjeshtë. Në zgjedhjet e fundit u mbajtën 4 raunde, konkretisht më: 19, 20, 27 dhe 28 prill 2017 (emri i radhës do të zgjidhet në vitin 2022. President u zgjodh Ilir Meta, me 87 vota pro, në raundin e katërt”, thuhet në raport. (J.V/Faxweb)
Discussion about this post