Ish-deputetja demokrate Albana Vokshi ka reaguar pas akuzës së kreut të Grupit Parlamentar të Partisë Socialiste, Taulant Balla, se PD ka paguar protestuesit që spërkatin me bojë godinën e Ministrisë së Mbrojtjes (lexo këtu).
Me anë të një statusi në rrjetin social Facebook, ish-deputetja Vokshi i është përgjigjur Ballës se po shpif dhe po baltos njerëzit e lirë.
Më tej ajo ka shtuar se Balla e ka mendjen vetëm tek paratë, duke u shitur tek kriminelët. Sipas saj, qytetarët e lirë as nuk blihen dhe as nuk shantazhohen.
Postimi i plotë i ish-deputetes Vokshi
Nuk hoqën dorë nga metodat e Sigurimit të Shtetit dhe KGB, duke sajuar e shpifur për të baltosur njerëzit e lirë.
Taulant Balla, e di që mendjen e ke vetëm tek paratë. E di që shitesh dhe blihesh lirë tek padroni i rradhës. Meqë të ka blerë krimi i organizuar prej kohësh, po të kujtoj që qytetarët e lirë as nuk blihen dhe as nuk mund të shantazhohen.
Keqardhje për nivelin ku është katandisur Partia Socialiste.
Discussion about this post