Të premten një punonjës i bashkisë së Elbasanit u rrëzua pas një defekti të një vinçi. Si pasojë e plagëve të marra punëtori ndërroi jetë. I punësuar në bashki punëtori u rrëzua nga vinçi, gjatë punës për riparimin e llambave elektrike në shtyllat e ndriçimit, në lagjen “5 Maji” dhe si pasojë e dëmtimeve humbi jetën në spital.
Policia thotë se për këtë ngjarje është proceduar në gjendje të lirë Drejtori i Administratës dhe Shërbimeve Mbështetëse në Agjencinë e Shërbimeve Publike dhe Urbane si dhe është shpallur në kërkim përgjegjësi i Sektorit të ndriçimit pranë Drejtorisë së shërbimeve Publike.
Discussion about this post