Marrëveshja Rama-Meloni për ardhjen e refugjatëve në bazën ushtarake është tema e mbrëmjes së sotme në studion e emisionit Pushteti në Fax News. Të ftuarit e Besnik Sulejmanit ishin Aulon Kalaja, Altin Goxhaj, Julian Hoxha dhe Dritan Goxhaj.
Avokati Altin Goxhaj u shpreh se dhënia e territorit të Gjadrit Italisë për refugjatët përbën vepër penale. Dorëzimi i Gjadrit cënon sigurinë kombëtare, pasi aty italianët do të ndërtojnë sipas qejfit të tyre.
Goxhaj shton se fajtor për këtë marrëveshje janë të gjithë anëtarët e Këshillit të Ministrave, së bashku me 140 deputetët.
Altin Goxhaj: Është vepër penale. Gjadri nuk është territor pronë e ushtrisë, është bazë ushtarake. Dorëzimi ka cënuar sigurinë kombëtare. Do të ndërtohet sipas qejfit të italianëve. Kemi të bëjmë me një shkatërrim të një baze ushtarake. Nesër e çojmë në SPAK. Dorëzimi i sovranitetit me burgim të përjetshëm nuk parashkruhet. Dua të dal tek fakti, që të gjithë anëtarët e Këshillit të Ministrave dhe sidomos deputët janë të gjithë përgjegjës për veprën penale. Kemi të bëjmë me një projekt për të futur në burg 140 deputetët dhe të gjithë ata që janë pjesë e tij
Discussion about this post