Ish-deputetja Orjola Pampuri e ftuar në Fax News, foli në lidhje me problematikat që po hasin banorët që janë prekur nga tërmeti i 26 nëntorit.
Duke ju referuar kronikës së përgatitur nga Fax News në lidhje me vështirësitë që banorët hasin për aplikimet online, Pampuri u shpreh se minimum qeveria duhet të ketë një informacion të përgjithshëm sa nga këto qytetarë kanë mundësi që të aplikojnë online.
Sipas saj qeveria nuk është gjendur pranë qytetarëve të prekur nga tërmeti, por vetëm ka bërë premtime dhe fjalë boshe.
“Jam e bindur se kemi të bëjmë me mungesë organizimi. Duke dalë nga një situatë e vështirë siç ishte tërmeti. Kam parë pallate që kanë dalë të pabanueshme. Për sa i përket Vorës kishte banorë që kishin mësuar se sa ishte bonusi i qirasë, por nuk e kishin marrë akoma. Mos rregullsia e dhënies së bonusit i bën ato të pasigurt për të marrë një banesë me qira dhe kjo është një nga vështirësitë.
Si mund të aplikojë online një pensionist? Kur njofton qytetarët që do të aplikojnë online minimum duhet të kesh një informacion të përgjithshëm se sa nga këto qytetarë kanë mundësi që të aplikojnë online. Nëse del në terren do të jetë një numë ri lartë që nuk dinë të aplikojnë online. Përse banorët po qendrojnë në çadra? Përse qeveria nuk po kujdeset për to? Kemi qenë ne, opozita që kemi shkuar me kontributin tonë për të dhënë diçka. Nuk kam parë që qeveria të gjendet pranë këtyre qytetarëve, përveçse me fjalë boshe. Jemi në një situatë, ku ke banorë që nuk kanë marrë bonusin social, nuk kanë aplikaur online dhe madje janë rikthye rnë banesat e tyre.
Jemi përballë ligjerimeve dhe premtimeve, të besosh Edi Ramën, që nuk ka bërë asgjë në këtë vite është mëse e qartë sesa do të bëhen ato që ka premtuar.”- u shpreh Pampuri.
Discussion about this post