Në parlament vazhdojnë retorikat e forta mes palëve. Kryeminsitri Rama ka hedhur akuza ndaj Sali Berishës duke i kujtuar atij se lumturohet sa herë që ka pengesa në proçesin e Integrimit.
‘’Nuk ka shqiptarë që nuk e vë re ngazëllimin e papërmbajtur tëndin dhe të djalit Shkëlzenit, apo njerëzve që iu rrethojnë sa herë krijohet mundësia për të parë me dyshim proçesin e Integrimit. Keni një buzëqeshje prej budallai në portretet tuaja që nuk dihet nga iu vjen’’, ka thënë Rama.
‘’Nëse të paktën do të pikëlloheshit do t’iu besonim që e doni proçesin e Integrimit. Ju doni të përfshini në përroin tuaj psikik edhe Kancelaren.”
”Nuk kam ndërmend të tregojë barcaleta si ty për takimet mes homologëve’’, ka vazhduar Rama.
Kryeministri Rama iu ka komunikuar sigurinë e plotë deputetëve të Opozitës se Gjermania do jetë përkrah Shqipërisë, dhe se pa filluar proçesi i Vetingut Shqipëria nuk e meriton çeljen e negociatave në Dhjetor.
Discussion about this post