Vendimi i dy partive të koalicionit qeverisës për t’iu drejtuar me një letër KQZ-së për shtyrjen e afatit të zgjedhjeve ka ngjallur reagime të shumta gjatë ditës së sotme.
Kjo për faktin e thjeshtë që afatet e parashikuara nga Kodi Zgjedhor po shkelen haptazi.
Në kuadër të kësaj ka reaguar dhe deputeti demokrat Luçiano Boçi i cili shprehet se Rama nga ‘dashnori” i Kushtetutës!’ sot e ka shkelur qartazi atë.
‘’Rama deri dje bënte si “dashnori” i Kushtetutës! Përbetohej se për datën e zgjedhjeve nuk e shkelte atë, pavarësisht se për katër vite, me dëshmi ministrash e vendime të Gjykatës Kushtetuese, del qartë që “e ka shkep” sa herë i është dashur.
Ndërsa sot me një “letër bakalli” partish, kërkon të dalë mbi Kushtetutën e Zgjedhjeve (Kodin Zgjedhor), derisa “t’i hyjnë në zemër” njëri-tjetrit!? Na rrofshin “zgjedhjet”!’’, shkruan Boçi.
Më herët për këtë kanë reaguar edhe deputetë të tjerë demokratë ku Oerd Bylykbashi e quante letrën e PS-LSI-së si një overdozë budallallkëu. (E.K/SHUPLAKA)
Discussion about this post