Të gjithë e mbajmë mend ironinë e Edi Ramës kur thoshte se në zyrat e AKBN-së kishte gjetur të punësuar këngëtarë.
Fjalën e kishte për Klajdi Musabelliun, të cilin e pushuan menjëherë pas ndërrimit të qeverive.
I gjendur në këtë situatë këngëtari ka vendosur që të largohet nga Shqipëria përfundimisht.
Lajmin e ka bërë të ditur vetë kryetarja e LSI-së Monika Kryemadhi. Sipas saj fatkeqësia e vetme e Klajdit ka qenë fakti që ka mbështetur LSI-në.
“Sot më erdhi një miku im dhe juaji, Klajdi Musabelliu, i cili më tha: Monika do vij të të takoj, të përshëndes, sepse më datë 31 janar kam prerë biletën për t’u shpërngulur. Përse?
Sepse fatkeqësia e tij është se ka mbaruar një shkollë për komunikim mediatik dhe është një këngëtar i talentuar. Fatkeqësia tjetër ishte se ai është anëtar i LSI-së, ku Kryeministri ynë i famshëm e shkarkoi për të vetmen arsye se ky njeri nuk kishte të njëjtën bindje politike si Edi Rama.
Këto gjëra kanë ndodhur në kohën e komunizmit dhe të diktaturës, por përveç kësaj, ato po ndodhin edhe sot, në kohën e diktaturës së krimit. Ajo është po aq e keqe, por edhe më monstruoze se diktatura komuniste, që ne kaluam në 50 vite”, shprehej Kryemadhi.
(E.K/FAXWEB)
Discussion about this post