Ndërkohë që në Parlament diskutohej Projektligji për Buxhetin e vitit të ardhshëm Kryeministi Rama zgjodhi studion e Top Story të Sokol Ballës të përcillte mesazhe dy orë pa ndërprerje për publikun shqiptar. Ai shprehu optimizmin e tij në lidhje me çeljen e negociatave për Shqipërinë, pavarësisht se bllokimi i Vettingut në Kushtetuese do të ketë ndikim negative në këtë proçes. Për kryeministrin Opozita po përpiqet me çtë mundet të pengojë Integrimin.
Zoti Rama u ndal gjatë në polemikat e shkaktuara se ai mendon për ndikimin e një lobi rus në Ballkan. Sipas Ramës ai nuk ka thënë që Rusia ka qëllime antishqiptare, por është e qartë se Rusia ka një qëllim të qartë që të përfitojë nga hezitimi i BE për tu zgjeruar me vende të reja. I pyetur nëse do të ishte i gatshëm për një takim me Putin Rama tha që do të ishte kurdoherë i gatshëm, edhe pse për momentin nuk e ka në rendin e tij të ditës.
Rama ka folur shumë pak në lidhje me çështjen e drogës duke e auajtur atë një problem të trashëguar nga qeverisja e kaluar.
‘’Kanabisi nuk është një problem i tashëm, është një problem i trashëguar dhe i fshehur ne e kemi nxjerrë në sipërfaqe dhe nuk kemi fshehur asgjë dhe kemi bërë komunikata për çdo rast. Kjo nuk tregon që ky fenomen është shtuar, thjesht që është bërë publik dhe me këtë fenomen po luftojmë siç kurrë nuk luftuan ata që sot na tregojnë me gisht dhe po ju them thjeshtë, nëse nuk do të ishte kështu, si shpjegohet që KE nënvizon në progresraport rezultatet në luftën kundër drogës si progres’’, është shprehur kryeministri.
Përsa i përket koalicionit të vitit të ardhsëm Rama tha se a indo të ishte koalicion me tre kokë ku përveç LSI-së në koalicion bashkëdrejtues përfshinte dhe Partinë e Shpëtim Idrizit.
Discussion about this post