Ndryshime të shumta në rradhët e drejtorëve qeveritarë. Nga ajo që mëson ”Shuplaka” është se në postin e AKU-së është vendosur Agim Ismaili. Ky vendim është marrë në mbledhjen e fundit të qeverisë ditën e sotshme.
Më parë Ismaili ka mbajtur postin e kreut të Drejtorisë së Përgjithshme të parandalimit të pastrimit të parave. AKU ka qenë një nga institucionet më të debatuara kohët e fundit, për shkak të skandaleve të shumta që lidhen me cilësinë e ushqimit.
Në këtë post ai zëvendëson Dritan Sejkon. Sejko ka qenë një propozim i aleatëve të qeverisë së mëparshme të Ramës, Pdiu. Më parë ai ka mbajtur postin e zëvendës drejtorit të hipotekave në Tiranë.
Në këtë mënyrë Rama nis të zbatojë atë që pritej, shkarkimin e të gjithë drejtorëve që nuk i përkasin PS-së.
(E.K/Shuplaka)
