Edi Rama në mbyllje të Asamblesë së PS-së është shprehur mjaft i qartë se vendi nuk do të hyjë në qeveri teknike. Sipas tij ky është një gur i hedhur në lumin që ka marrë PD-në.
Rama u shpreh se opozita nuk është ajo që prodhon lirinë, po liria prodhon opozitën. Ai tha se në këtë rrugë që ka zgjedhur Partia Demokratike po vret veten e saj.
‘’Qeveria teknike është guri i hedhur në lumin që ka marrë PD-në. Nëse diktatura është sundimi i pakicës mbi shumicën, demokracia nuk është përdhosja e shumicës nga PS-ja.
Nëse PD ka zgjedhur të hyjë në çadër për të vendosur mbi epilogun e vetes së saj kjo nuk është puna jonë. Nëse kanë zgjedhur të vdesin partinë demokratike kjo është puna e tyre dhe jo puna jonë.
Opozita është prodhim i lirisë dhe jo liria prodhim i opozitës. Shqipëria në 18 qershor do bëjë zgjedhje të lira dhe të ndershme, të tjerët janë në të drejtën e tyre të hyjnë të mos hyjnë, të jetojnë apo të vrasin veten’’, deklaroi Rama në fjalën e tij. (E.K/SHUPLAKA)
Discussion about this post