Njësoj siç ka bërë gjithnjë, duke i treguar ”forcën” BE-së. Kjo ka qenë sërish sjellja e sotme e Edi Ramës. Madje e ka thënë hapur se nuk ka nevojë për tutorë, duke nënkuptuar se qeveria e tij ia del edhe e vetme. Kuptohet, gjithçka është zbutur me frazën, se ”Brukseli është një partner jetik”.
”Po e organizojmë me shpenzimet tona”, i është përgjigjur gazetares së huaj Rama, lidhur me takimin informal në Durrës kur është pyetur nëse do organizojë një të tillë, por formal në Bruksel.
”Nuk është nevoja të kemi gjithnjë tutorë për të organizuar por duhet të kujtoj se Brukseli është partner jetik për të gjitha vendet’, ka vazhduar më tej ai.
Johannes Hahn, komisioneri për Zgjerimin në BE, tha në prani të Ramës se bashkimi nuk mund të japë për momentin asnjë datë për anëtarësimin e Shqipërisë. (V.G/SHUPLAKA)
