Ish-drejtori i Përgjithshëm i Policisë së Shtetit, Artan Didi, mund të rikthehet sërish në detyrën që mbante.
Burime të Lapsi.al thonë se ai është thirrur këto ditë nga ministri i Brendshëm, Saimir Tahiri dhe kryeministri Edi Rama, të cilët i kanë ofruar të drejtojë sërish Policinë e Shtetit.
Të njëjtat burime saktësojnë se shkak është bërë situata e rëndë e rendit dhe sigurisë në vend, në veçanti shpërthimi i kultivimit të kanabisit.
Kujtojmë se ditën e sotme, ministri i Brendshëm Saimir Tahiri pati një takim të gjithë me ish-drejtues të Përgjithshëm të Policisë në vite dhe mes tyre ka qenë edhe Artan Didi.
Didi u dorëhoq pas skandalit të fshehjes së urdhër-arrestit belg për ish-deputetin Mark Frrokun, për një vrasje që ky i fundit akuzohej në Belgjikë.
Pas largimit nga kjo detyrë, Artan Didi u emërua në detyrën e oficerit të kontaktit në ambasadën shqiptare në SHBA.
Didi u kthye nga Amerika në prag të zgjedhjeve të vitit 2013, duke i shërbyer Partisë Socialiste, e cila më pas me ardhjen në pushtet i dha postin e Drejtorit të Përgjithshëm të Policisë së Shtetit. (A.R/SHUPLAKA)
Discussion about this post