Kryeministri Edi Rama ka vijuar takimet elektorale nga Kuçova. Me zërin e lodhur Rama iu ka kërkuar banorëve të Kuçovës që në katër vitet e ardhshme të votojnë për Shqipërinë, dhe sipas tij vetëm skuadra e Partisë Socialiste mund ta bëjë vendin.
“Rruga e Skëndërbeut dhe Ismail Qemalit do të vazhdojë ndaj valvitini flamujt kuqezi. Thirrja për qytetarët e Kuçovës dhe gjithë Shqipërisë është të japin një votë patriotike. Porta e administratës shtetërore nuk do të jetë e hapur për militantët e partive.
Miqtë e mij unë jam krenar për atë çka na ka rezervuar Kuçova. E di që shumëkush ndër ju mund të thojë që çka bëmë me votën tuaj në Qershorin e katër viteve më parë nuk është e mjaftueshme, por ama në ka një skuadër që mund ta bëjë Shqipërinë shtet është Partia socialiste e Shqipërisë.
Ju bëj thirrje që në 25 Qershor të mos ndahemi si tifozë, që në 25 Qershor mos ta përcaktojnë bindjet majtas dhe djathtas. Vetëm vota juaj në bën që të shpëtojmë nga shantazhi i partive të tjera, dhe pastaj votat tuaj i shohin si mundësi për të ndarë tepsinë e pushtetit.
Ju bëj thirrje të gjithë mësuesve që të mbështesin sa më shumë Partinë Socialiste, ju bëj thirrje të gjithë punonjësve të administratës, të gjithë biznesmenëve të vegjël se ka vetëm një rrugë që ta bërë Shqipërinë shtet dhe ajo është rruga e të bërit të Shqipërisë shtet”, u shpreh Rama nga Kuçova. (E.K/SHUPLAKA)
Discussion about this post