Kryeministri Rama në “Komunikimin Javor” ka thënë se kjo qeveri është përkrah banorëve të Zharrëzës. Qeveria sipas Ramës ka angazhuar ekspertë vendas dhe të huaj që të merren me cështjen dhe se do të ketë dëmshpërblime.
“Ata bënë një grevë në shenjë proteste, qeveria angazhoi një ekspertizë , sipas ekspertëve lidhet me zonën naftëmbajtëse, në vite mendohet të kenë ndodhur lëvizje të shtresës që provokojnë termete. Qeveria reagoi menjëherë duke ndaluar injektimet në disa prej puseve, tani presim konkluzionin e ekspertizës. Kemi garanci se injektimet nuk do të fillojnë, injektimet nuk do të fillojnë. Prej 2 muajsh qeveria po punon për evidentimin e dëmeve dhe inventarizimi është në përfundim” tha ai.
Nga ana tjetër kreu i qeverisë akuzoi kritikët nga politika se po bëjnë rolin e të përvëluarve në këtë histori.
“Të paditurit shpërndajnë akuza dhe derdhin lot krokodili, këta janë poltikanë që manipulojnë njerëz, që marrin shpërblime, janë aktivistë të kamur të pseudo shoqerisë civile për organizatat e tyre fantazmë, ata po i nxisin kundër qeverisë, disa po bëjnë sikur nuk kanë lidhje me cadra. Këta janë tutorë të kamur. Për të mbrojtur interesat e tyre ata shtyhen se kush duket më i përvërluar por është kjo qeveri që ka prerë lidhjet kriminale të puseve të naftës, ka kthyer në punë rafineritë, 1300 punonjës të naftës u kemi kthyer dinjitetin” tha ai.
Ai ndër të tjera tha se ka bërë kompaninë e naftës Bankers që të rinegociojë kontratën me shtetin dhe që ajo të ndërmarrë një projekt social për banorët e zonës me qëllim punësimin e tyre. (M.D/ Shuplaka)
Discussion about this post