Nuk foli, nuk e reklamoi siç ka bërë me shumë evente të tjera dhe së fundi nuk ka qenë as pjesë e fotos zyrtare të samitit të kartës së Adriatikut që u zhvillua dje në Malin e Zi. Është fjala për kryeministrin e vendit Edi Rama.
Ardhja e zëvendëspresidentit amerikan Mike pence në Ballkan ishte një nga vizitat më të rëndëisshme të këtyre kohëve të fundit, madje u quajt edhe si vizita e shekullit. Mirëpo duket se Shqipëria u aneksua mjaft në këtë vizitë.
Edhe në fjalën e tij dje Pence e vuri theksin te roli i Malit të Zi dhe përfitimet që do të sjellë hyrja e shtetit ballkanin në NATO. Pothuajse asnjë fjalë për rolin strategjik të Shqipërisë.
Po është vërtet mjaft e dyshimtë pse kryeministri Rama mungon në foton zyrtare, a do ta refuzonte një lider të ishte pjesë e një momenti të tillë? Mbetet mister arsyeja.
Ndërkohë që ish-kryeministri Berisha ka një tjetër version. Ai thotë se Rama është përjashtuar nga kjo foto për shkak se ka thyer protokollin, ishte veshur me atlete të bardha.
Të kenë qenë vetëm atletet, apo në SHBA kanë shkuar edhe fjalët e Ramës në lidhje me presidentin Donald Trump, ende nuk dihet.
“Rama perjashtohet per shkak te atleteve nga foto familjare e Samitit te Podgorices!”, shkruan his-kryeministri në rrjetet sociale. Ndoshta sot kryeministri Rama do të duhet të bëjë një sqarim në lidhje me këtë incident. (E.K/SHUPLAKA)
