Kryeministri Rama ka qenë sot në Shkodër me votuesit e parë ku si gjithmonë ka sulmuar të djathtët dhe ka ripërdorur retorikën me heroin kombëtar.
“Midis amanetit të Skënderbeut dhe plakut dixhital duhet të zgjidhni të parin”,-u shpreh Rama.
Fjala e Ramës:
Është momenti që kush është vërtët hajdut të shkojë para drejtësisë pasi gjykatësit të jenë çuar. Midis PD apo cilësdo dhe drejtësisë çdo familje duhet të zgjedhë drejtësinë, jo partinë që pengon drejtësinë. Përpiqen t’ju hedhin trutë e gomarit se po sjellim diktaturë, demokracia është mundësia e çdo partie për të marrë pjesë në zgjedhje, demokracie nuk është plaçkë që merret peng nga një individ.
Në demokraci të gjithë mund të paraqiten në zgjedhje, të tjerët nuk kanë pse presin, PD vendos të mos hyjë në zgjehdje, është zgjedhja e atyre që janë në krye të saj, jo e demokratëve normalë, nuk është zgjedhja e demokratëve që dëgjojnë e shohin vetë.
18 qershori është më shumë se kurrë një ditë për Shqipërinë që duam, as mos i dëgjoni fare kur ju thonë se po nuk erdhi PD në zgjedhje ne nuk do hyjmë dot në BE, ju i keni dëgjuar miqtë europianë, Shqipëria do të fillojë negociatat për antarësim, nuk kemi bërë mrekullira ka njerëz që na kanë dhënë votën dhe nuk kanë parë asnjë ndryshim në ekonominë e tyre, e dinë shumë mirë që akoma ka më shumë për të bërë për spitalet dhe shkollat, por ama një gjë besoj se ne e treguam në këto 3 vite e gjysëm, që jemi garancia që ky vend mund të bëhet shtet, në këtë vend mund të ndërtojmë shërbime dhe institucione. Midis amanetit të Skënderbeut dhe plakut dixhital duhet të zgjidhni të parin.
Shqipëria që kemi është më e mirë, do ta bëjmë më të mirë, ne kemi vetëm një rrugë, të shkojmë rejt 18 qershorit dhe të bëjmë detyrën si shqiptarë, dhe këtë vend ta bëjmë të denjë, ashtu si duan shqiptarët e denjë. 18 qershorin ta shikojmë me patriotizëm , ta shikojmë ashtu siç e kanë parë patriotët, Ismail Qemali. Për Shqipërinë që duam ka një garanci, kjo garanci është Partia Socialiste e Shqipërisë.
(M.D/Shuplaka)
