Arben Isaraj është drejtori i ri i Përgjithshëm në Drejtorinë e Përgjithshme të Shërbimeve të Transportit Rrugor. Emërimi është firmosur nga kryeministri Edi Rama në datën 29 Shtator 2017. Në këtë detyrë Arben Isaraj ka zëvëndësuar Ylli Spahiun.
Isaraj ka mbajtur më parë postin e zëvëndësministrit të Drejtësisë dhe më parë ka qenë edhe deputet i Partisë Socialiste gjatë viteve 2005-2013. Ai kryesoi në vitin 2009-të listën zgjedhore parlamentare në Qarkun e Vlorës duke fituar mandatin e dytë si përfaqësues i popullit.
Është aktivizuar me politikë që prej vitit 1998 me emërimin dhe e ushtrimin e detyrave si Këshilltar Juridik dhe Këshilltar i Sigurisë Kombëtare i disa Kryeministrave dhe ministrit të Mbrojtjes, Inspektor i Përgjithshëm i Shërbimit Informativ Shtetëror, Zëvendësministër i Rendit Publik. Ai ka qenë sekretar e nënkryetar i Grupit Parlamentar të Partisë Socialiste.
Ashtu edhe siç Rama e paralajmëroi disa ditë më parë ku tha se brenda 100 ditëve do të bënte lëvizje në administratë mesa duket ia ka nisur punës. Theksojmë se në krye të kësaj drejtorie ishte Ylli Saphiu, që vinte nga rradhët e LSI-së.
(J.V.Shuplaka)
Discussion about this post