Kryeministri Edi Rama është përballur sërish me komentuesit kritikë që kanë reaguar menjëherë pas postimit ku kreu i Qeverisë vlerësoi si sukses shembullor zbardhjen e shpejtë të grabitjes nga Policia e Shtetit.
Mjaft qytetarë kanë shprehur kritikat dhe dyshimet e tyre mbi këtë zbardhje të shpejtë të grabitjes së 9 shkurtit, por si gjithmonë Rama nuk ua ka përtuar. Me nota të dukshme ironie, ai ka reaguar ndaj disa prej tyre.
Një qytetari që ka shprehur ankesën për cenimin e fjalës, mendimit të lirë, për shkak të fshirjes së komenteve nga administrator/ët e faqes së kryeministrit, Edi Rama i është përgjigjur: “Këtu është fshirë, fshihet dhe do te fshihet çdo koment që ndot faqen me baltën e vulgaritetit gjuhësor, për kritikat asnjë problem.
“Ja dhe tjetri, skenari fix si në Shqipëri thotë. Dhe pastaj qante hallin dikush ç’do thotë Shqupi, ja ku e ke, mendja në gjumë e gjuha në punë.”, ka qenë reagimi i Ramës për një tjetër komentues që i shkroi kryeministrit se bëhet fjalë për një skenar të përshtatur më së miri në Shqipëri, pasi rrallë ndodh të vidhen aq para e të zbardhen aq shpejt. (XH.A/SHUPLAKA)
[ngg_images source=”galleries” container_ids=”1122″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post