Kryeministri Edi Rama i cili ndodhet në Stamboll, është takuar sot me homologun e tij turk Binali Yildirim.
Ky takim vjen një ditë pas takimit të Ramës me presidentin turk Erdogan. Kryeministri shqiptar ka shpërndarë një video ku shihet me Yildirim, me të cilin ka biseduar për planet e katërvjeçarit të ardhshëm.
“Me kryeministrin Binali Yildirim për planet e katërvjeçarit të ardhshëm me synim kryesor fuqizimin e konsiderueshëm të bashkëpunimit ekonomik e tregtar.”, shkruan Rama krahas videos në Facebook.
Nga ana tjetër, agjencia shtetërore turke e lajmeve “Anadolu Agency” shkruante se dy homologët janë takuar në Zyrën e Kryeministrit në Dolmabahçe.
Takimi ka qenë me dyer të mbyllura për mediat dhe ka zgjatur rreth 30 minuta. (D.D/Shuplaka)
