Kryeministri Rama nga Elbasani i ka bërë sërish thirrje opozitës që të marrë pjesë në zgjedhjet e 18 qershorit.
Kreu i qeverisë, pavarësisht thirrjeve për PD-në, e ka edhe një kusht për ta.
Rama tha se para se opozita të marrë pjesë në zgjedhjet parlamentare, duhet si fillim të votojë ligjin e vettingut.
“Ata të kthehen në rrugën për zgjedhjet në 18 qershor. Por që të hyjë në zgjedhje, në radhë të parë duhet të shkojnë në Kuvend, të votojnë vettingun, Po votuan vettingun, i mirëpresim që të shkojmë në 18 qershor. Pastaj, erdhën, nuk erdhën ata, është detyra jonë, është detyra e secilit prej nesh që të mirëpresë çdokënd që do të vijë me ne”,-u shpreh Rama.
Rama deklaroi se pavarësisht tentativave të opozitës e cila është ngujuar në çadër, vettingu do të vazhdojë.
“Ka një përpjeke reale për mos t’i çuar të gjithë në rrugën e universitetit, për t’i lënë pastaj rrugëve. Por për ti dhënë të gjithëve mundësi, atyre që nuk shkojnë në universitet, që të marrin një zanat. Shumë shpesh ndodh që të dëgjoni se: ‘Sja vlen të merresh me ta’. Por po të ishin të gjithë njësoj, do kishim renë e plehrave siç e kishit. Në të njëjtën datë si sot, kur unë erdha këtu për të bërë Elbasanin në 4 vite, atë që nuk është bër për këto vite. Faktin nuk e luan topi, se Elbasani, Gramshi, Librazhdi, Peqini, Belshi, kanë shumë ende për t’u bërë, por a ka krahasim me ato që ishin. E njëjta gjë vlen dhe për Shqipërinë. Ka nevojë që të rritet edhe më shumë, por rritet me 3.5 përqind. Kjo është një Shqipëri që nuk ka të fortë dhe të dobët, por që shkojnë të gjithë para ligjit nëse shkelin rregullat. Ju siguroj se sa më shumë rezistencë t’i bëjnë drejtësisë ata që i janë ngujuar drejtësisë, aq më i bindur jam se drejtësi do të bëhet dhe vettingu nuk do ndalet. Ashtu sikundër ju siguroj se me të njëjtën lëkundje që po luftojnë për të zhbllokuar vettingun, do luftojmë”, -tha Rama.
(M.D/Shuplaka)
