Kryeministri Rama në sqarimin e tij për 8- dhjetorin u shpreh se të jesh dhjetorist nuk do të thotë medoemos të jesh pjesë e Partisë Demokratike. Sipas Ramës është e rëndësihme që njerëzit të ndihen të lirë dhe të kenë si synim Europën.
‘’Që të jesh sot një i ri, pasues i këtyre djemve të dhjetorit 1990, nuk mjafton të jesh në partinë që doli prej asaj lëvizjeje.
Që të jesh i denjë për aspiratën e tyre, do të thotë që me flamurin në zemër dhe Europën në mendje, të ndjekësh një vizion të së ardhmes që sot për sot s’ka asnjë lidhje me atë parti.
Që të protestosh sot në emër të rinisë, duhet në fund të fundit të mos negociosh lirinë tënde për llogari të partisë që lirinë e ka vetëm fjalë në majë të gjuhës dhe padyshim, të jesh i ditur të paktën sa ata kundër të cilëve proteston.
Respekt për të gjithë ata të dhjetorit të vërtetë’’, ka shkruar Rama.
Mirëpo në një nga shumë komentet që i vinin kryeministrit bëhej krahasimi i tij me Ramiza Alinë. Sic është bërë e udhës komentuesi ka marrë përgjigje nga kryeministri.
‘’ E bëre si Ramizi dhe ti ,ta bëjmë partinë tjetër por ta bëjmë me njerëzit tanë, të stërvitur mirë për ti nxir jetën këtij populli ‘’, shkruante komentuesi.
Ndërkohë që nuk ka vonuar as përgjigja e kryeministrit.
‘’Igli, s’paske kuptuar asgjeë po me siguri ngaqë s’e ke pasur mendjen kur e ke lexuar ose s’e ke lexuar fare cfarë kam shkruar dhe kjo e dyta është më e mundura’’, ka qënë replika e Ramës.
Discussion about this post