Pas publikimit të raportit të OSBE-ODIHR në lidhje me zgjedhjet e 25-qershorit dhe pas deklaratës së kryeministrit Rama, ka reaguar deputetja e LSI-së Klajda Gjosha.
Rama i cilësoi më herët zgjedhjet e 25-qershorit si zgjedhjet më të mira që Shqipëria ka pasur .
“Sapo është bërë publik raporti i OSBE-ODHIR për Zgjedhjet e Qershorit 2017. Nuk e di sa vënd ka tek dëgjuam Kryeministrin për të vrapuar dhe për të na treguar se këto ishin zgjedhjet më të mira që ka pasur Shqipëria. Nuk e di të qash apo të qeshësh!
Lexoja mes rreshtave të raportit por gjithçka rrotullohej mes parregullsive në zgjedhje, rekomandimeve te pafundme për gjetjen e një mekanizmi për parandalimin e shitblerjes së votës si dhe marrjen e masave për të ndaluar presionin e jashtëzakonshëm që i është bërë administratës publike për votën e lirë!
27 Vite Demokraci dhe qytetarët shqiptarë ende janë në përpjekjet e tyre për të votuar të lirë, në përpjekjet e tyre që ankandi i votës të mos marrë më peng jetën e fëmijëve të tyre. Po fatkeqësisht cfarë do lloj reforme zgjedhore të ndërmarrim ne, do të duhej më parë të ndryshonim mentalitetin politik i cili mendon se paraja mund të blej cdo gjë, se presioni që vjen si koncept diktatorial nuk shkon më ne Shqipërinë europiane te 2017-tës!
Mesa duket mentalitetet nuk ndryshokan as me Marrëveshjet e Errësirës që gjoja do t’i jepnin Shqipërisë një standard tjetër!”Shkruan Gjosha.
Ndërkohë kryeministri, Edi Rama më herët u shpreh se “Raporti i OSBE ODIHR vlerëson pozitivisht marrëveshjen e 18 majit. Më tutje raporti saktëson se falë ndryshimeve ligjore pas marrëveshjes u ulën kostot financiare të fushatës dhe u ulën shkeljet. Në disa qendra votimi, administrimi i zgjedhjeve u bë më mirë, ndërsa ankimimet u mbyllën në një kohë shumë të shkurtër. Pakicave kombëtare iu dha mundësia e barabartë dhe të tjera që do kemi kohë ti diskutojmë por një gjë sjell në sallë ky raport. Edhe këta janë tëblerë, verbër, janë të trembur nga krimi, nga konkluzionet ku ju keni dalë, që pas zgjedhjeve të 2013 i përsërisni sin ë jerm dhe akoma se keni kuptuar çfarë ka ndodhur atëhere e jo më ti jepni përgjigje atyre çfarë ka ndodhur në 2017. Ndërkohë që nuk po rikthehem për më gjatë se çfarë thotë anglezi e danezi. Është turp për çdo politikan shqiptar, që të pranojë se terminologjia, është e arsyetuar por edhe e përdorshme në këtë parlament vetëm për të ulur njëri tjetrin. Kjo është e neveritshme. Për ta mbyllur, mos flisni në emër të SHBA, as të BE, sepse detyroheni të vini në këtë pikën ku keni ardhur sot”, tha ai. (S.SH/Shuplaka)
