Frika nga sulmet terroriste prej kohësh po trondit Europën. Ngjarja e mbrëmshme ku një kamion u fut në një treg krishtlindjesh dhe la të vrarë 9 persona dhe plagosi dhjetra të tjerë në Berlin, ka përfshirë nga ethet edhe Francën fqinje.
Franca jo pak herë ka qenë pre e këtyre sulmeve, madje një sulm I ngjashëm me kamion u ndërmorr në Nicë jo më shumë se një vit më parë.
Sipas asaj që raporton Reuters, Ministria e Brendshme franceze ka shprehur gadishmërinë e saj për të rritur masat e sigurisë, sidomos në vende të populluara në këto ditë festash.
‘’Bashkëpunimi franko-gjerman do të vazhdojë pa pushim në mënyrë që demokracitë të fitojnë kundër atyre që duan të sulmojnë vlerat e liritë tona. Të gjitha forcat e sigurisë do të jenë në nivel maksimal të vigjilencës. Siguria në tregjet e Krishtlindjeve do të përforcohet menjëherë’’, thuhet në deklarimin e Ministrisë franceze. (E.K/SHUPLAKA)
Discussion about this post