Edhe pa Ronaldon në fushën e lojës dhe me mungesa të tjera të rëndësishme, Reali i Madridit ka arritur të fitojë pastër 0-3 ndaj Numancias në ndeshjen e vlefshme për Kupën e Mbretit.
Situata në Klubin madrilen nuk ka qenë dhe aq e qetë kohët e fundit sidomos pas humbjes së ndeshjes me Barcelonën në kampionat.
Gareth Bale ktheu në gol një 11-metërsh në pjesën e parë, ndërsa një minutë para fundit të kohës së rregullt ishte Isco që dyfishoi sërish me 11-metësh.
Për të hipotekuar kualifikimin mendoi Mayoral në minutat e shtesës që trefishoi epërsinë e madrilenëve, të cilët shkojnë tejet të qetë në ndeshjen e kthimit në “Santiago Bernabeu”.
Ndeshja e parë mes Barcelonës dhe Celta Vigos dhe Barcelonës ka përfunduar në barazim 1-1, ndaj për të përcaktuar se cila nga skuadrat do të kalojë në çerekfinale të Copa del Rey do të duhet dhe ndeshja e kthimit që do të zhvillohet javën e ardhshme.
Të parët që shënuan ishin miqtë me anë të Jose Arnaiz në minutën e 15-të, por Pione Sisto barzoi ndeshjen në minutën e 31-të dhe shifrat nuk ndryshuan deri në fund pavarësisht se ekipet kishin raste për të shënuar.
(E.K/FAXWEB)
