Prokuroria e Tiranës krijon shtatë seksione hetimore të ndara sipas veprave penale, në kuadër të Reformës në Drejtësi.
Seksionet e reja ndahen në këtë mënyrë:
-Narkotikët dhe trafiqet do të drejtohen nga Arben Nela,
-Krimi ekonomiko financiar në drejtimin e Mariola Mërtirit,
-Seksioni kundër korrupsionit dhe shpërdorimit të detyrës nga Deniona Kodra,
-Krimet kundër jetës dhe aktet terroriste nga Erion Pano,
-veprat penale kundër pronës nga Dritan Rreshka,
– Hysni Mulaj do të drejtojë seksionin e krimeve të kryera nga të miturit,
-Gjergji Tako seksionin e vendimeve penale dhe marrëdhëniet juridiksionale me jashtë.
Sipas raportimeve, këto njësi të njohura deri më tani si “Task Forcë” janë shkrirë dhe kanë nisur funksionimin që nga kjo e hënë.
Ndërkohë javën e ardhshme në këtë institucion do të nisë edhe shorti elektronik për ndarjen e dosjeve tek prokurorët tek kjo njësi, si edhe zv.drejtuesi i ri i Prokurorisë së Tiranës.
Për këtë post do të garojnë 7 drejtuesit e seksioneve të krijuara hetimore, dhe do jenë prokurorët ata që do të vendosin midis tyre. (D.D/Shuplaka)
