Kryetari i Bashkisë Erion Veliaj, ka uruar kryeministrin Rama për hapjen e negociatave për Shqipërinë. Madje, ndryshe edhe nga vetë kryeministri Rama, vendimin e Komisionit Europian, kryebashkiaku e quan një meritë dhe punë të shkëlqyer të kreut të qeverisë.
Postimin në rrjetet sociale Veliaj e ka shoqëruar dhe me një video e cila paraqet Shqipërinë dhe në sfond është vendosur himni kombëtar.
“Lajmin e mirë për SHQIPËRINË! Punë e shkëlqyer e Kryeministrit Edi Rama dhe qeverisë shqiptare për ta çuar vendin në drejtimin e duhur, përmes reformave dhe punës së vazhdueshme!
Tani është koha të përveshim mëngët dhe të përqendrohemi në gjërat që na bashkojnë dhe jo ato që na ndajnë – Drejt Evropës!” shkruan Veliaj.
(M.Q/Faxweb)
Discussion about this post