Në rang kombëtar janë numëruar deri tani plot 5009 prej 5362 kutive të votimit. Për 24-orë ashtu siç edhe u tha nga KQZ, janë numëruar mbi 90% e kutive të votimit të zgjedhjeve të 25 qershorit.
Sipas rezultateve paraprake PS kryeson bindshëm me 74 mandate deputetësh e ndjekur nga PD me 43, më pas nga LSI me 19, PDIU me 3 dhe PSD me 1 në Shkodër që është Tom Doshi.
Rezultati nuk pritet të ketë ndryshime të mëdha megjithëse në disa raste ka pasur luhatje të disa mandateve si ai i Luan Ramës së LSI dhe Shpëtim Idrizit të PDI, i cili deri tani është jashtë parlamentit. (M.D/Shuplaka)
