Me disa pyetje të drejtuara mbështetësve të pranishëm në protestën e opozitës, Arbën Ristani ka dhënë arsyet se pse protesta e opozitës duhet të vijojë.
Krimi, droga, korrupsioni janë vetëm disa nga problemet e shtruara në protestën e opozitës.
‘’A është e vërtetë që kryetarët e bashkive kanë nga 7 emra, a është e vërtetë që administrata është e kriminalizuar, a nuk doli nga administrata e Ramës Eskobari i Ballkanit, a kishim ne Laboratot droge, a kapën çdo ditë tonelata droge në kufijtë e vendit tonë??? Janë të gjitha të vërteta.
A mundet që kjo qeveri me këto parametra të na sigurojë zgjedhje të lira e të ndershme? Sigurisht që jo. Pasi na u rrëzuan të gjitha propozimet për Kodin Zgjedhor nuk ka rrugëzgjidhje tjetër përveç protestave, përveç qeverisë teknike.
Nuk them dot sa kohë do na duhet, po dimë të themi që ka filluar të lëvizin dhe faktorët ndërkombëtarë. Nuk ka pyll pa dërra, po nëse bëhmi bashkë do i përzemë dërrat. Teli ka filluar të lëvizi në Amerikë. Na takon të luftojmë dhe të qëndrojmë së bashku për të pasur qeveri teknike, zgjedhje të lira e të ndershme’’, deklaroi Ristani. (E.K/SHUPLAKA)
Discussion about this post