Peshëngritësja Romela Begaj në një deklaratë mjaft të fortë bërë për mediat, mes të tjerash u shpreh se nuk mund ta apelojë vendimin për rezultatin e doping-ut.
Ajo tha se nuk i ka mundësitë financiare që të ndjek çështjen dhe se është e braktisur nga ana e shtetit. Romela u betua në kuran dhe në flamur, se ajo nuk ka përdorur asnjëherë substanca të ndaluara dhe sulmi ndaj saj vjen për shkak se Shqipëria është shtet i botës së tretë.
‘’Unë si Romelë nuk kam mundësi financiare ta çoj çështjen më lart. Shkova një herë vetëm e askush nuk erdhi nga pas të pyesë. Unë do e deklaroj kushdo të jetë i gatshëm të vijë të më marrë të shkojmë në gjyq të ballafaqohem, po unë nuk kam mundësi”, deklaroi ajo.
“Jemi vend i botës së tretë, më vjen keq që kam lindur në një vend që shtet nuk ka për një moment isha krenaria, sot në shi jam harruar e nuk jam më, ndaj unë punën time e bëra, medaljet Shqipërisë ia solla, kam harxhuar rininë që nuk blihet me lekë”- tha ajo.
Ajo deklaroi se “Deri në ditën e fundit betohem para Kuranit, flamurit popullit tim dhe i vë duart mbi këto gjera më të shtrenjta që kam, kam një emër Romela Begaj. Gjaku im është i pastër si zoti më ka krijuar, betohem për kuranin dhe dy njerëzit më të shtrenjtë që kamn në jetë se këto medalje i ka marrë me gjak, me bukë e pa bukë, kam sakrifikuar dhe gjithë sakrifica e familjes sime është kjo që kam”- tha ajo.
Ajo iu drejtua me një thirrje gjithë atyre që sot kanë lëshuar akuza. “Mos merrni pjesë në krim. Si keni familje, fëmijë dhe prindër i dhemb kur i hidhet poshtë djersa e gjaku. Unë jam këtu, gati për cdo verifikim. Jam kampionia e botës, e kam mundur një botë me pastërti, në 12 të natës të çohem prapë do ti mund”- tha ajo.
Çfarë ka ndodhur sipas jush?
Unë kam marrë medaljen dhe kam mundur botën e parë, kjo ka ndodhur. Jam e gatshme të provohem. Është e turpshme për mua të përflitem për diçka të tillë. Jam e gatshme për çdokënd që të më testojë.
Se ka mundësi që keni rezultuar pozitive në të dyja testet?
Sepse jemi bota e tretë… Na duhet ndihmë, sepse në asnjë vend nuk hidhet sportisti si këtu.
A keni pasur mbështetje nga shteti Shqiptar?
Mbështetje nuk ka pasur sepse nuk do të shkonte gjendja deri këtu. Po të isha amerikane do ta kisha medaljen në qafë.
(E.K/FAXWEB)
https://www.youtube.com/watch?v=cfl3LtQluH0&feature=youtu.be
