Pas deklaratës së saj muaj më parë se profilin në rrjetet sociale do e mbajë për të promovuar vetëm muzikën dhe anën artistike fshihej një ndarje. Beatrix Ramosaj fshiu çdo foto që kishte me të dashurin e saj prej më shumë se dy vitesh.
Por e ftuar në emisionin “Hangover” në “MCN Radio” dhe “Tema TV”, Beatrix edhe pse pa dëshirën e saj ka thënë disa fjali përmbyllëse për këtë lidhje. “Nuk kam folur për jetën time personale. Nuk kam qejf më të ekspozoj jetën personale. Është diçka shumë e bukur që mund t’i ndodhë dikujt. Për mua ka qenë hera e parë që kam pasur dikë dhe kam kaluar shumë kohë me të, nuk janë pak dy vite e gjysmë. Kam shumë respekt, por kështu është jeta, njerëzit njihen, dashurohen, jo gjithçka mundet të ecë. Tani jam single”, tha këngëtarja, përcjell “Class”. Këngëtarja u mjaftua me këto fjalë dhe nuk iu përgjigj më në lidhje me ish të dashurin e saj Ervi Cenolli. (J.V/Shuplaka)
