Rreh keq bashkëshorten, 48-vjeçari nga Elbasani do të kalojë festat në burg

Një konflikt i nisur brenda në banesë në fshatin Cerragë të Belshit ka përfunduar me arrestimin e burrit, Ali Xheka 48 vjeç, i cili për motive të dobëta ka rrahur bashkëshorten e tij M.Xh 44 vjeç.

Vetë bashkëshortja e ka denoncuar dhunën ndaj saj në Policinë e Belshit, dhe më pas është kryer arrestimi i kryefamiljarit nga policia. Materialet për këtë ngjarje i kanë kaluar Prokurorisë së Elbasanit, ndërkohë që ndaj Ali Xhekës është ngritur akuza ‘’Dhunë në familje’’.

Mesa duket nuk do të jetë një fundvit i qetë edhe për krimet në familje në Shqipëri.(E.K/SHUPLAKA)