Një i ri është arrestuar nga Policia e Korçës pasi ka ushtruar dhunë ndaj nënës dhe vëllait të tij. Madje i vëllai vetëm 15-vjeç është dërguar drejt Spitalit për të marrë mjekim të specializuar.
Policia njofton se ka arrestuar shtetasin Elton Zyberi, 29 vjeç, banues në Korçë.
“Arrestimi i tij u bë pasi më datë 01.08.2017, dyshohet se ky shtetas për motive të dobëta, ka ushtruar dhunë fizike ndaj nënës së tij shtetases L.Z, 52 vjeçe, si edhe ka goditur me sende të forta vëllain e tij (nga nëna) shtetasin P.S, 15 vjeç, i cili ka marrë mjekim në Spitalin Rajonal të Korçës, ku ndodhet jashtë rrezikut për jetën”- njofton policia.
Materialet i kaluan Prokurorisë të Rrethit Gjyqësor Korçë për veprën penale : “Dhuna në familje” parashikuar nga neni 130/a i Kodit Penal.
(E.K/SHUPLAKA)
Discussion about this post