Pas aqipeshkvit të dioqezës së Tiranës imzot Gjergj Frendos, një tjetër figurë e rëndësishme e kishës katolike në Shqipëri, kreu i Konferencës Ipeshkvnore Shqiptare imzot Angelo Massafra jep urimet e tij për festën e Pashkëve.
“Nuk mund t’i harrojmë në atmosferën e festës të gjitha ato situata vuajtje dhe dhimbje që presin shërbim dhe që na përkasin qoftë ne të krishterëve por dhe atyre që nuk janë të krishterë. Lufta, përndjekje, shkatërrime mjedisore por edhe ligësi, mosmarëveshje, përçarje, thashetheme dhe bota e krimit janë në rendin e ditës dhe nuk mund të na lënë indiferent.”, shprehet Messafra.
Kreu i Konferencës Ipeshkvnore Shqiptare, ka reaguar edhe për thirrjet e ambasadës amerikane, e cila një ditë më parë paralajmëroi për sulme të mundshme terroriste.
Thirrjet për kujdes nga Ambasada amerikane, si pasojë e frikës për sulme terroriste arqipeshkëvi i Shkodrës thotë se nuk i ka dëgjuar, por kush ka përgjegjësine për të marrë masa le ta bëjë.
“ Unë mendoj se duhet të jemi të kujdesshëm pastaj kush e ka për detyrë të na sigurojë do ta bëjë dhe ne do të bëjmë punën tonë. Jemi lutur edhe sot duke përmendur mesazhin tim kemi përmendur të gjitha ato vështirësi që janë në botë, Krishti ka mundur të keqen dhe sëbashku mund të ecim përpara.”, tha Massafra. (D.D/Shuplaka)
