Mediat ndërkombëtare bëjnë me dije se numri i viktimave në xhaminë në qytetin kanadez të Quebec-ut ka arritur në gjashtë, ndërkohë që tetë persona raportohet të jenë plagosur.
Mësohet se viktimat janë të moshave 35-70 vjeç. Në momentin e sulmit, në xhami ishin duke kryer lutjen e mbrëmjes rreth 50 persona.
Dy persona mësohet se janë vënë në pranga, ndërkohë që mendohet se sulmi është kryer nga tre të armatosur.
Kryeministri kanadez shprehu shqetësimin dhe tha se dyshohet se bëhet fjalë për sulm terrorist. Sulmi u shënua pak pas shkrimit të së shtunës në “Tëitter”, si reagim ndaj vendimit të Trump, ku shkruhej ndër të tjera: Kanadezët do i mirëpresin emigrantët myslimanë, pa marrë parasysh besimin. Diversiteti është forca jonë.” (XH.A/SHUPLAKA)
Discussion about this post