Rritja e pensioneve, Teliti: Aq sa për të blerë dy shishe vaj, Berisha i rriti dy herë pensionet

Këshilltari ekonomik në Partinë Demokratike, Dorian Teliti, i ftuar në studion e lajmeve në Fax News, ka folur për rritjen e pensioneve nga qeveria Rama.

Kryeministri Edi Rama tha se nga 1 korriku, pensionet do rriten për çdo kategori.

Teliti ka thënë se qeveria Berisha në vitet e qeverisjes të demokratëve i ka rritur 2 herë pensionet brenda mandatit.

Teliti ka thënë se vlera është e barabartë me dy shishe vaj për pensionistët e qyteteve.

“Çmimi i biletës u rrit me 33%. Çmimi i ujit në Bashkinë e Tiranës u rrit me 30%-40%. Shporta e ushqimeve në periudhën 2014-2018, çmimet u rritën me 21%.

Në vija të përgjithshme kemi patur rritje të çmimeve. Gjatë qeverisjes së Berishës, pensionet u dyfishuan. Ka hapësirë për të rritur çmimet.

Shifrat e punësimit janë shifra fantazmë, mashtrimet. Fondi për rritjen e pensioneve duhet të ishte 15 milionë dollarë. Fondi për këtë viti ishte më i ulëti.

Në zonat urbane me rritjen e pensioneve i bie të shtohen 2 shishe vaj më shumëm, ndërsa në zonat rurale 1 shishe vaj më shumë.

Në buxhetin e vitit 2018, 94 milionë dollarë për koncesione.FMN thotë boll me koncesione. Me Berishën ata nuk krahasohen dot.”-tha Teliti.

(F.G/Faxweb.al)