Pasi pa fotot e tij të shpërndahen në rrjetet sociale dhe në media, i akuzuari për sulmin në klubin e natës në Stamboll ka shkuar vetë në Drejtorinë Policore në Zeytinburnu për të dëshmuar.
Ramazan I. është i dyshuari kryesor për sulmin terrorist të natës së ndërrimit të viteve në Ortaköy të Stambollit. Disa foto të tij u përhapën me shpejtësi në rrjetet sociale dhe në media, pasi në to Ramazani shihej me një armë në dorë duke qëlluar përpara hyrjes së klubit “Reina”.
“Kemi ankesë për personat që tentojnë ta ndryshojnë axhendën e shtetit dhe që shënjestrojnë klientin tim. Klienti im merret me biznes këpucësh dhe pantoflash. Është shtetas i Kazakistanit, megjithatë, është i lindur në Zeytinburnu të Stambollit. Familja e tij jeton në Kazakistan, ndërsa ai vet shpeshherë vjen në Turqi”, tha avokati i tij në një deklaratë për mediat.
Avokati i quajtur Mustafa Serdar Akdoğan, sqaroi se fotografitë që u përhapën në media dhe që u përkasin kamerave të sigurisë së aeroportit gjatë hyrjes dhe daljes së klientit të tij në Turqi, janë fotografi para 3-4 viteve.
Discussion about this post