Gjithçka nisi pas një shkrimi në ‘Facebook’, e më pas debati ‘shpërtheu’.
Përplasjeve mes Agron Tufës dhe Dritan Hilës pas një shkrimi të shkrimtarit ditën e sotme, i është bashkuar dhe Rudina Xhunga.
Tufa e cilësoi Hilën ‘lyth sekrecionesh enveriste’ dhe se nuk e kishte idenë se çfarë ishte Letërsia. Pas këtyre fjalëve reagoi bashkëshortja e Hilës, Rudina, duke shtuar se në një vend normal shkrimtari duhej burgosur. Ajo nuk i kurseu ironitë kundrejt Tufës.
Çfarë gjuhe, çfarë dhune! Të çohesh në mëngjes dhe të lexosh se një shkrimtar të kërcënon se do i presë gjuhën bashkëshortit tënd, ngaqë i ka sharë “Tenxheren”, librin e tij. Ku jetojmë? Këta të vrasin për një tenxhere. Në çdo vend normal, ky do shkonte në burg për kërcenim me vdekje. Po ky nuk është vend normal. Një vend që prish bunkere e bën çadra, duke ngecur në mes të asgjëse”, shkruan Xhunga në mesazhin e saj.
Shkrimtari Agron Tufa botoi në Fb një status ku kërcënonte drejtuesin e emisionit “Arena” në Ora News. Tufa përmendte familjen e Hilës, i kujtonte se mund të kishte fatin e Ardian Klosit, që sipas tij u çmend e vrau veten.
Hila ndërkohë reagoi duke thënë se babai i tij ka qenë oficer i kundërzbulimit, meqë shkrimtari u kap pas tij.
“Sot sapo hapa sytë mora vesh që autori i romanit “Tenxherja”, Agron Tufa, më kishte sulmuar në FB me një gjuhë të denjë prej burgaxhiu. Është momenti i vetëm që kuptoj sesa e egër ka qenë diktatura komuniste, kur shikoj deformime të tilla karakteriale.
Në perroin e tij psiqik nuk kishte asgjë që lidhet me temën ku unë e kisha përmendur dhe që bënte fjalë për filmat, por vetem shante duke zënë nga im atë, dhe deri tek familja dhe martesa. Kjo është një ndër dëshmitë që diktatura jo vetem i ka hyre ne palce, por ka degjeneruar ne formen e diktatures se rruges.
Dua te sqaroj se babai im ka qene oficer i kunderzbulimit (madje i larte), apo siç njihet ne zhargon “oficer inteligjence (M.D/ Shuplaka)
