Për Myrto Uzunin, e shtuna ka qenë një ditë shumë e veçantë, për shumë arsye. Ai shënoi një gol të ri, e përfundoi sezonin si golashënuesi më i mirë dhe festoi ngjitjen e Granada në La Liga. Në fund të ndeshjes, tashmë në festë të plotë, beratasi kuqezi vendosi ta surprizojë të dashurën dhe të gjithë të pranishmit, i kërkoi publikisht asaj të martohej me të.
Sigurisht ajo tha “po” dhe kulmoi momentin më të bukur dhe më të veçantë të natës, që zyrtarizoi kthimin e Granada në elitën e futbollit spanjoll, një vit më vonë. Uzuni, golashënuesi më i mirë i Segunda Division (me 23 gola) e kishte bërë planin e propozimit përpara fillimit të ndeshjes së fundit, ndaj ishte shumë i sigurt në ngjitjen e Granada në La Liga (vetëm humbja e pengonte).
Ndaj, kur ndeshja përfundoi dhe filluan me festën, ai ftoi partneren që t’i bashkohej në fushën e blertë. Pikërisht në atë moment, sulmuesi shqiptar u gjunjëzua në tokë dhe nxori një unazë, në fytyrën e habitur të partneres së tij, që nuk e priste.
Më tej, Granada e vijoi festën në qytet, ku Myrto Uzuni ishte sërish protagonist. Ai u fut në ujin e ftohtë të shatrivanit të qytetit, duke merituar duatroktitjet e përzemërta të tifozëve, të cilët kanë idhullin e tyre tashmë.
Discussion about this post