Armando Sadiku është pranë kalimit te Lugano, nën drejtimin e ish-asistentit të De Biazit, Paolo Tramexani.
Sulmuesi i Kombëtares Shqiptare në një intervistë për “tio.ch” pohoi që menaxheri i tij po merret me situatën, ndërsa preferoi të mos e komentonte më shumë.
“Di që palët po negociojnë. Menaxheri im po merret me situatën dhe të shohim si do të evoluojnë gjërat. Në këtë moment preferoj të mos flas dhe pres zhvillimet e situatës”, tha ai për “tio.ch”.
Rreth eksperiencës të mëparshme te Lugano
“Sigurisht e njoh shumë mirë Luganon dhe çdo gjë që rrethon skuadrën dhe klubin. Gjatë periudhës time aty ia kalova shumë mirë edhe pse ndjej pak keqardhje që nuk arrita të siguroja ngjitjen me skuadrën në atë edicion. Tani konteksti ka ndryshuar, duke parë se skuadra po lufton për mbijetesën në Super Ligë. Për sa i përket Tramexanit… nuk mund të bëj gjë tjetër veçse të flas mirë për të”.
Për Tramexanin
“Unë dhe të gjithë shokët e kombëtares nuk mund të bëjmë asgjë tjetër përveçse t’i falënderojmë De Biazin dhe Tramexanin. Falë tyre hymë në histori dhe Paolo është një trajner që ka shumë energji, ka dëshirë të bëjë mirë dhe të tregojë vlerat e tij. Ai do të paraqitet mirë në Tiçino”.
