Vendimi i sotëm i Komisionit Qëndror të Zgjedhjeve për ti hequr mandatin kryebashkiakut të Kavajës Elvis Roshi dhe dy deputetëve Dashamir Tahiri dhe Shkëlqim Selami ka qenë kryefjala e mediave në vend, por ka persona që janë ende të pakënaqur sa i përket zbatimit të Ligjit të Dekriminalizimit.
Një prej tyre është edhe Indrit Hoxha, sekretar për Burimet Njerëzore në Forumin Rinor të Partisë Demokratike.
Sipas tij, dekriminalizimi nis atëherë kur Gramoz Ruçin të mos jetë më në Parlament.
“Dekriminalizimi për mua fillon ditën kur ish-ministri brendshëm Gramoz Ruçi të mos jetë më në parlament! Duhet të gjykohet për masakren e 2 prillit 1991 dhe për qindra djem nënash të vrare në kufi në vitet ’90 me urdhrin e ministrit të atehershëm të brendshëm Gramoz Ruçi”, shkruan Indrit Hoxha në një postim të tijin në rrjetet sociale.
Gramoz Ruçi është kryetar i Grupit Parlamentar të Partisë Socialiste dhe një ndër deputetët më të vjetër të parlamentit. Ai ka mbajtur postin e ministrit të brendshëm për dy muaj e gjysmë në vitin 1990, ndërsa në vitin 1988 është emëruar Sekretar i Parë i Partisë së Punës për rrethin e Tepelenës. (A.R/SHUPLAKA)
Discussion about this post