Pas nisjes së garës për kreun e PD-së nuk kanë munguar as ironitë në rrjetet sociale. Kjo për faktin se kandidatura e vetme përballë Bashës, Eduard Selami nuk shihet si më e mira e mundshme.
Shumë e shohin Selamin si dukshëm më të dobët, ndërsa edhe vetë anëtarët që janë kundër Bashës janë të ndarë në klane.
Për gazetarin Agim Xhafka, që njihet për humorin e tij, gara mes Bashës dhe Selamit është njësoj sikur Rihana të bëjë garë me Mandin e Nishtullës.
Ai vijon më tej duke thënë se të ishte në vend të Bashës nuk kandidonte fare me Selamin, dhe do ta linte Partinë ka kryetar sa të dilte një kandidaturë serioze.
“Të isha si Basha nuk shkoja kurrë në votim me Eduard Selamin. Ose do pres një sfidant të vërtetë,ose le të rrijë partia pa kryetar. Se nuk bëjnë dot duet p.sh.Rihana me Mandin e NISH Tullës”, shkruan Xhafka.
Deri në 22 korrik na mbetet të presim dhe të shohim nëse Basha do ta marrë parasysh konstatimin e Xhafkës.
(E.K/SHUPLAKA)
