Sekretari për Marrëdhëniet me Publikun i Partisë “Zgjidhja”, Arben Rrozhani i ftuar në Fax News foli mbi protestën që do të zhvillohet nga opozita me datë 16 shkurt. Sipas Rrozhanit protesta e opozitës do të jetë një protestë militantësh që nuk do të sjellë asgjë të re.
“Duke parë angazhimin total të opozitës PD-së dhe LSI-së kam përshtypjen se nuk do të jetë një protestë gjithëpërfshirëse, por do të jetë një protestë me militantë të PD-së dhe të LSI-së. Në gjykimin tim kjo do të jetë një sfilatë e rradhës, siç ka qenë herët e kaluara. Do të protestojnë disa orë dhe pastaj do të kthehen të gjithë me furgona. Kjo protestë nuk do të sjellë asgjë të re.
Do të jetë një protestë popullore, pasi ato do të mundohen që të na e shesin si protestë mbarë popullore, megjithëse do të jenë një protestë militantësh.”-deklaroi Rrozhani.
Për sa i përket publikimit të prindërve të vajzës së mitur nga Kavaja në Facebook, nga ministrja Elisa Spiropali, Rrozhani u shpreh se video duhet të hiqet menjëherë, pasi është diçka shumë e ulët.
“Nga pozicioni i gazetarit do ta komplimetoja qeverinë që mori një ekskluzive. Por kjo është shumë e dënueshme, shumë turpshme dhe shumë e ulët. Moralisht e kanë shkatërruar atë familje.Dua ti thirrje drejtorit të informacionit Endri Fuga ta heqin videon.Nëse nuk do të hiqet kjo, shoqatat fantazëm që kemi ne për mbrotjen e grave apo fëmijëve të bëjnë report që video që të hiqet.”- u shpreh Rrozhani.
(M.Q/Faxweb.al)
Discussion about this post