SHBA/ 27- vjeçarja shqiptare vret me armë burrin dhe më pas veten në banesën e tyre! Motra e 34-vjeçarit: Ajo tradhtoi dashurinë dhe besimin e tij

Një ngjarje e rëndë ka ndodhur në SHBA, ku gruaja ka vrarë burrin me armë në banesën e tyre dhe më pas veten.

Sipas mediave amerikane, ngjarja e rëndë ndodhi në Florida të SHBA-ve, mbrëmjen e 27 nëntorit, ku Pajtim Krasniqi 34-vjeç nga Peja e Kosovës është vrarë me armë nga gruaja e tij Sabrina Krasniqi, 27- vjeç.

‘Përmes hetimeve është konstatuar se Sabrina Krasniqi ka qëlluar për vdekje disa herë bashkëshortin e saj dhe më pas veten. Ngjarja ka ndodhur në banesën e tyre të përbashkët”, tha policia.

Ndërkohë, banorët e zonës kanë treguar se ata kishin dëgjuar të bërtituara para se të dëgjoheshin të shtënat.

“Dëgjuam të bërtitura dhe ishte e frikshme. Dëgjova të shtënat dhe më pas pas disa minutash makinat e policisë dhe ishte një skenë e mbushur me njerëz”, tha Max Braendlin, i cili jeton në atë lagje.

Pas ngjarjes një reagim ja ardhur edhe nga motra e të ndjerit Albana, e cila e ka akuzuar gruan e Pajtimit, për këtë vrasje.

“Gruaja e Pajtimit zgjodhi t’ia merrte jetën vëllait tim, kur ajo e qëlloi me 5 plumba në krahërorin e tij. Personit të cilin i besonte kaq shumë, personin të cilin e zgjodhi të kalonte jetën edhe ia mori. Ajo e tradhtoi atë, dashurinë dhe besimin e tij. Ajo e shkatërroi familjen time. Unë dhe vëllëzërit e motrat e mia nuk do të jemi më kurrë njësoj”, shkruan ajo më tej.

Ky rast tragjik ndodhi në mesnatë, në katin e 45-të të apartamentit, ku qëndronte çifti i shqiptarëve të Kosovës. Raportohet se janë dëgjuar së paku gjashtë të shtëna të njëpasnjëshme, të cilat lanë të vdekur burrë e grua.