SHBA jep 5.5 milionë dollarë për Akademinë e Transparencës: Do të rrisë integritetin e qeverisë, menaxhim dhe për fondet e tërmetit

Shtetet e Bashkuara të Amerikës do të dhurojnë 5.5 milionë dollarë për ngritjen e Akademisë Amerikano-Shqiptare të Transparencës (USATA) e cila do të ‘bashkëshoqërojë’ qeverinë shqiptare në rritjen e transparencës së punës së institucioneve publike dhe private. Gjithashtu kjo akademi do të ndihmojë qeverinë shqiptare të menxahojë sa më mirë fondet dhe donacionet për rimëkëmbjën nga tërmeti.

Postimi i plotë i ambasadës:

Shtetet e Bashkuara njoftojnë me kënaqësi një ndihmë tjetër zhvillimi për Shqipërinë, në shumën 5.5 milionë dollarë, për ngritjen e Akademisë Amerikano-Shqiptare të Transparencës (USATA). Kjo Akademi do të rrisë transparencën dhe integritetin e qeverisë dhe të institucioneve publike e private, si dhe do të mbështesë reformën në drejtësi. Akademia do të ndihmojë gjithashtu Qeverinë e Shqipërisë të menaxhojë donacionet e marra për rimëkëmbjen nga tërmeti, si dhe fondet e tjera publike, në një mënyrë transparente dhe të përgjegjshme që do të jetë në dobi të atyre që kanë më shumë nevojë. Kjo ndihmë është pjesë e kontributit mbi 700 milionë dollarë të Shteteve te Bashkuara për Shqipërinë në 20 vitet e fundit.