Pak ditë pas arrestimit të shtetasve Haki Hasabegaj, me detyrë shef i rendit në Drejtorinë e Policisë së Qarkut Vlorë dhe Gani Abazi, me detyrë shef i specialistëve të Zonave në Komisariatin e Policisë në Tepelenë, Prokuroria ka evidentuar si përgjegjës dhe pjesëmarrës në këtë grup kriminal edhe Musa Bedinaj, organizator dhe kultivues droge.
Prokuroria disponon përgjime dhe prova të tjera që tregojnë se Haki Hasabegaj gjatë ushtrimit të detyrës Shef i Policisë së Tepelenës, por dhe më pas, kishte një komunikim të rregullt me viktimën Elton Çiço.
Nga përgjimet e bisedave, kuptohet se Çiço, i cili dyshohet se ishte pjesë e një rrjeti të gjerë kultivimi dhe trafikimi droge, ishte në dijeni të lëvizjeve të drejtuesve të komisariateve. Ai shprehu mbështetjen e tij ndaj Hasabegaj në mometin kur ky u zhvendos në Drejtorinë e Policisë së Vlorës.
“Në datën 31 mars 2016 është përgjuar telefonata mes Haki Hasabegajt dhe Elton Çiços.”, shkruan një portal online. Në këtë bisedë vihet re si Çiço ankohet për mungesë vëmendje dhe Haki Hasabegaj i qan hallin.
Eltoni: Ku je o vlla? S`stë rr….për mua?”
Hakiu: Epo ça të bëj unë…
Eltoni: Unë të kam vlla, ti…
Hakiu: Na vuri i ligu para…
Eltoni: Kush?
Hakiu: Ai legeni, i imi dhe i joti …
Hakiu: Kush të ka ç më rr…
Elton Çiço mbeti i vrarë, pasi u qëllua me dy plumba më 01.05.2016, rreth orës 22:20, në rrugën “Gjin Bua Shpati”, afër shkollës “Emin Duraku”, në mjediset e bar “De Niro”. (XH.A/SHUPLAKA)
