Është zgjeruar hetimi lidhur me rrethin e personave nën hetim për dosjen e dëshmitarit të mbrojtur, biznesmenit Ylvi Beqja. Flamur Vezaj, gazetar i “ABC Neës” bën me dije se Prokuroria e Krimeve të Rënda ka zgjeruar hetimet mbi ish-hotel Vollgën.
Veç Emiljano Shullazit dhe të dyshuarve të tjerë, po hetohen edhe familjarë të Lulzim Berishës, kreu i bandës së Durrësit. Është zbardhur kontrata noteriale mes biznesmenit Beqja dhe motrës së Lulzim Berishës.
Bëhet fjalë për një kopje të firmosur në gusht të 2014-ë. Referuar dëshmisë së biznesmenit në Prokurori, e motra e Lulzim Berishës i ka premtuar kthimin dhe regjistrimin e ish-hotel Vollgës në emër të kompanisë arabe, të cilët i përfaqësonte Ylvi Beqja kundrejt shpërblimit prej 500 mijë eurove.
Ai ka rrëfyer përpara hetuesve se motra e Berishës i ka kërkuar firmosjen e një kontrate noteriale me pretendimin se paratë ia kishte marrë borxh ndër vite. Në dëshmi biznesmeni Beqja shprehet se është detyruar të firmosë këtë deklaratë duke pranuar se i kishte marrë para borxh familjes së Lulzim Berishës fillimisht 300 mijë marka në vitin 1996, një shumë tjetër prej 100 mijë dollarë amerikan në vitin 1998 dhe shumën prej 150 mijë eurove në vitin 2004.
Ai kishte premtuar kthimin e plotë të shumës deri në fund të muajit Tetor 2014. Në rast moskthimi, motra e Lulzim Berishës kishte të drejtë të bllokonte dhe bëhej pronare e të gjitha pronave e aseteve të tjera në vlerën e 500 mijë eurove, që dispnonte Ylvi Beqja.
Sipas Prokurorisë, për regjistrimin e ish-hotel Vollgës në emër të Ylvi BEqajt i dyshuari Emiljano Shullazi ka kërkuar dhe marr 30 % të pronës, ndërsa e motra e Lul Berishës ka kërkuar 500 mijë euro për këtë punë. (XH.A/SHUPLAKA)
[ngg_images source=”galleries” container_ids=”1040″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post