Shembet përfundimisht muri në Mitrovicë, zyrtarja e BE: Nuk do të ketë më

Është shembur përfundimisht, deri në themele muri në Mitrovicë, i cili shkakoi një sërë polemikash mes Kosovës dhe Serbisë.

Mediat kosovare raportojnë se muri ilegal afër Urës së Ibrit u rrënua pas rreth një ore pune. Ky veprim u zbatua pasi Qeveria e Kosovës dhe Komuna e Mitrovicës Verore nënshkruan marrëveshje për të hequr këtë mur dhe ndërtuar një shëtitore për këmbësorë.

Në fjalën e saj, Shefja e Zyrës së Bashkimit Evropian në Kosovë, Nataliya Apostolova, u shpreh se rrënimi i murit në Mitrovicë është një moment mjaft i rëndësishëm.

“Mure nuk do të ketë më në Mitrovicë dhe do të formohet Asociacioni i Komunave serbe”, është shprehur ajo. (XH.A/SHUPLAKA)